نیو پبلک چارج رول کیا ہے؟
24 فروری 2020 کو گرین کارڈ اور کچھ دیگر ویزوں کے حصول کے لیے آمدنی پر مبنی نئی شرائط لاگو کی گئیں- ان تبدیلیوں نے پبلک چارج رول کو ایک نئی شکل دے دی- یہ ایک ایسا قانون ہے جس کے تحت حکومت تاریخی طور پر کسی ایسے فرد کے “پبلک چارج” بننے کے امکانات یا مستقبل میں عوامی اعانت پر انحصار کا فیصلہ کر پاتی ہے جس کا کیس سٹیٹس کی تبدیلی کے لیے زیر غور آئے-
ٹرمپ انتظامیہ کا عوامی فوائد کی قسم اور مقدار کو وسیع کرنے کا فیصلہ’ جو کہ امریکہ میں رہنے کی کوشش کرنے والے افراد کے خلاف شمار ہوتا ہے’ مہاجرین کی سٹیٹس میں تبدیلی کی اہلیت پر گہرا اثر ڈالتا ہے (یعنی گرین کارڈ حاصل کرنا) – اس سے ترقی پذیر ممالک سے کم آمدنی والے اور محنت کش طبقے کے لوگوں کے لئے ہمارے ملک کے دروازے مؤثر طریقے سے بند ہوجاتے ہیں اور مہاجرین میں خوف پھیل جاتا ہے۔
امریکی شہری اور امیگریشن سروسز (یو ایس سی آئی ایس) نے واضح کیا ہے کہ کوویڈ 19 سے متعلق طبی علاج یا بچاؤ والی صحت کی دیکھ بھال کی خدمات کو تلاش کرنے یا استعمال کرنے پر پبلک چارج رول کے تحت غور نہیں کیا جائے گا ، چاہے خدمات میڈیکیڈ کے ذریعے مالی اعانت سے حاصل ہوں۔ بلاخوف دیکھ بھال کی تلاش کریں۔
پبلک چارج ٹیسٹ
اس بات کا تعین کرنے کے لیے کہ آیا کوئی فرد عوامی خدمات پر انحصار کر سکتا ہے یا نہیں حکومت نے ایک ایسا نظام تشکیل دیا ہے جو آمدنی، نوکری، خاندان کا سائز، صحت اور ماضی میں حاصل کیے گئے وفاقی فوائد کو مدنظر رکھتا ہے- فروری 2020 میں ٹرمپ انتظامیہ نے عوامی خدمات کی اقسام کو وسیع کرتے ہوئے اس میں متعدد اہم تبدیلیاں کیں جو حیثیت میں ایڈجسٹمنٹ کے لئے کسی درخواست دہندہ کے معاملے پر منفی اثر ڈالتی ہیں-
متاثر نہ ہونے والے افراد
نیو پبلک چارج رول سے جو مہاجرین متاثر نہی ہوتے وہ یہ ہیں:
● قانونی طور پر مستقل رہائشی (گرین کارڈ ہولڈرز)
● تارکین وطن
● پناہ گزین
● خصوصی تارکین وطن نوجوان (SIJ)
● T & U ویزا ہولڈرز
● VAWA کی حیثیت رکھنے والے
● دیگر انسانی بنیادیں
زیر غور نہ آنے والے فوائد
نیو پبلک چارج رول میں جن عوامی فوائد کو مدنظر نہی رکھا گیا وہ یہ ہیں:
● عورتوں، شیر خوار اور دیگر بچوں کے لیے WIC یا خصوصی سپپلیمنٹل نیوٹریشن پروگرام
● ایمرجنسی طبی امداد
● طبی سہولیات/میڈی کیئر
● ہیلتھ کیئر سروسز (H+H آپشن، کمیونٹی ہیلتھ سینٹرز)
● بچوں کا ہیلتھ انشورنس پروگرام (CHIP)
● لازم پلان
● انکم ٹیکس کریڈٹ کا حصول (EITC)
● کسی فرد کے امریکی بچوں کے لیے وفاقی فوائد کا حصول
زیر غور فوائد
نیو پبلک چارج رول میں جن عوامی فوائد کو مدنظر رکھا گیا وہ یہ ہیں:
● SNAP (فوڈ سٹیمپ)
● وفاقی مالی اعانت سے ملنے والی طبی امداد’ اگر یہ ایمرجنسی طبی امداد نہ ہو
● عوامی رہائش اور سیکشن8 کی خدمات
کسی اہل علم امیگریشن پیشہ ور سے رہنمائی لینے سے پہلے اپنے موجودہ عوامی فوائد سے دستبردار نہ ہوں- اگر آپ نیو پبلک چارج رول سے متاثر نہی ہو رہے تو ان فوائد کو بند کرنے کی کوئی وجہ نہی ہے جنکی آپ اور آپ کے خاندان کو ضرورت ہے-
نیو پبلک چارج رول سے صنفی تشدد سے بچ جانے والے افراد اور مہاجر کمیونيٹیوں پر کیسے اثر پڑتے ہیں
اگرچہ اس اصول میں کچھ افراد کے لیے اہم رعایتيں موجود ہیں جن میں تارکین وطن، پناہ گزین درخواست دہندگان، گھریلو تشدد اور دیگر سنجیدہ جرائم میں بچ جانے والے مظلوم افراد’ VAWA کی حیثیت رکھنے والے اور خصوصی تارکین وطن نوجوان شامل ہیں لیکن اس کی کوئی گارنٹی نہیں ہے کہ اس طرح کی رعایتيں کمزور برادریوں کو مناسب تحفظ مہیا کررہی ہیں- سینکچوری میں ہم دیکھتے ہیں کہ گھریلو تشدد اور جنسی اسمگلنگ سے بچ جانے والے افراد کی ایک قابل ذکر تعداد، جو نئے اصول کی زبان اور اس کے من مانے معیارات سے پریشان ہے، عوامی امداد کے ایسے اہم فوائد سے
دستبردار ہو رہی ہے جس کے وہ قانونی طور پر حقدار ہوسکتے ہیں۔
PIF مہم کی مدد سے سینکچوری نیو یارک میں مہاجر کمیونيٹیوں سے رابطہ کر رہی ہے تاں کہ نیو پبلک چارج رول کے اثرات اور اس سے متاثر ہونے والے افراد کے لیے موجود وسائل سے متعلق شعور بیدار کیا جا سکے-
ايمیگریشن وسائل
1- ایکشن نیو یارک سٹی: 1-800-354-0365 پر کال کریں اور کہیں “پبلک چارج”
2- نیو یارک سٹی کے میئر کا آفس براۓ مہاجرین کے معاملات: NYC.gov/PublicCharge
3- نئے امریکیوں کا دفتر:7636-566-800-1
4- قانونی امداد کی سوسائٹی: 3425-955-844-1
5- نیو یارک مہاجراتحاد: nyic.org
6- مہاجر خاندانوں کا تحفظ: protectingimmigrantfamilies.org
وکالت
نیو پبلک چارج رول مہاجرین، انکی فلاح وبہبود اور صحت پر ایک بڑا ذاتی، اہم اور سنگدل حملہ ہے- سنکچری براۓ خاندان میں ہم گھریلو تشدد اور سمگلنگ میں بچ جانے والے لوگوں کو خدمات مہیا کرتے ہیں- ان میں سے بہت سے افراد پبلک چارج رول سے مستفید نہی ہوتے لیکن پھر بھی یہ افراد مہاجرین کے خلاف جنم لینے والے بیانیہ سے انتہائی ڈرے ہوئے، الجھن زدہ اور پریشان ہیں-
“اتحادیوں، میں آپ سے گزارش کرتی ہوں کہ ہم اس اصول کے خلاف جتنا مضبوطی سے ہو سکے ساتھ کھڑے ہوں- یہ اصول مہاجر کمیونیٹیوں میں خوف پیدا کر رہا ہے، لوگوں کو ایسے فوائد سے دستبردار کروا رہا ہے جو انکا حق ہیں اور ان میں یہ احساس پیدا کر رہا ہے کہ وہ بے حیثیت اور ناقابل قبول ہیں- ہمیں ایک دوسرے کے ساتھ کھڑا ہونا ہے اور اجتماعی آزادی وانصاف کے لیے لڑنا ہے”- نباہ اکرم، سینکچری براۓ خاندان کی ايمیگریشن اسپیشلسٹ-
